Aımaq kásipkerleri negizinen qurylys, óndiris jáne aýyldardy jaryqtandyrý baǵytynda birlesip jumys jasaýǵa nıetti. Máselen, bıyl kósheni jaryqtandyrý boıynsha 5 jobany iske asyrý josparlanǵan.
- Oblysta «Jetisý Jaryǵy» seriktestigi tarapynan «Taldyqorǵan, Tekeli, Qapshaǵaı qalalary men Ile, Eskeldi aýdandarynda syrtqy jaryqtandyrý jelilerin keńeıtý men paıdalaný» atty joba usynylǵan bolatyn. Onyń maqsaty – kóshe shamdaryn jańǵyrtý jáne elektr qýaty baǵasynyń tómendeýi esebinen kósheni jaryqtandyrýǵa jumsalatyn shyǵyndardy azaıtý. Bul jobanyń aldyn ala eseptelgen quny 16,9 mlrd teńge shamasynda. Qazirgi tańda joba aldyn ala kelisimge qol qoıý deńgeıinde, -deıdi «Atameken» ulltyq kásipkerler palatasy Almaty oblystyq fılıalynyń dırektory Narıman Ábilshaıyqov.
Qalmahanbet MUQAMETQALI,
«Egemen Qazaqstan»
Almaty oblysy
